«Отцюзнина» №2 (14) 2024 скоро буде доходити д читачам

Анонсы Jul 3, 2024

Уд завтра, 8. юлія 2024, зачне ся розсылка нового числа «Отцюзнины». Из обкладкы на читачув буде никати знамый пудкарпатськый малярь Федор Манайло. Статю за нього у другоє за сесь рук число написала його внучка — Вікторія Манайло-Приходько, завідовачка меморіалным домом-музейом сього леґендарного умільця. Выданя ся получило богатым на матеріалы; удну найдете нову рубрику «Русины за гатаром» и будете мати шансу ся познакомити из многыма новыма авторами.

Перед выходом нового числа даєме вам можность почитати статю за сторочницю першых демократичных парламентськых выборув на Пудкарпатю:

ЗМІСТ

Исторія нашої землі

Володимир ФЕНИЧ. Пуд Карпатами: Глобална исторія землі й народув из многыма именами (продовженя)
Павло ПЕНЯК. Ци мали наші предкове свуй календарь?
Игорь ПРОХНЕНКО. Боржавськоє городище
Маріан ТОКАР. Сторочниця першых демократичных парламентськых выборув на Пудкарпатю

Лінґвістика

Томаш КАЛИНИЧ. Апостроф у русинському письмі

Актуалноє интервю

Юрій ШИПОВИЧ. Євген Жупан за карпаторусинськоє двиганя на Пудкарпатю, фестиваль «Червена ружа» и перспективы културного розвоя

Сохташ

Василь СТУДИНСЬКИЙ. Глас из Міжгірщины. Свальба (часть ІІ)
Павло ЛЕНЬО. Хоснованя огня у народнуй медицині Пудкарпатя
Новинкы жытя карпаторусинув
Марія МІКЛА. Оновленому Обществу А. Духновича вже 30
Петро ГАБРИН. Кíно про карпаторусинського необудителя и народного класика Михаила Чухрана

Русины за гатаром

Петро МЕДВІДЬ. Одбыв ся семінар карпаторусиністикы з еміґрантської русинської літературы США
Едвард КАСИНЕЦЬ. «Мойов мрійов усе было створити карпаторусинську націоналну бібліотеку»
Др. Ніколас Кайл КУПЕНСЬКЫЙ. «Архів, територія, наруд, текст: жывот карпаторусинської бібліотекы»