Число «Отцюзнины» №1 (13) 2024 теперь доступноє онлайн!
Радо вам представляєме цифрову версію числа №1 (13) 2024 журнала «Отцюзнина»!
Читати мож за удкликованьом:
Редакція «Отцюзнины»ЧЕСТОВАНІ ЧИТАТЕЛІ!
Вы держите в руках новый, першый у сьому році, номер нашої «Отцюзнины». Редколегія журнала вєдно з вами має дяку ся поділити сьов радоснов новинов. А порадовати ся дійсно є чим.
Окрем вже шоровых ци серійных статий нашых ужгородськых вченых Володимира Фенича, Михаила Зана, Маріана Токаря, Павла Пеняка, Петра Габрина, етнографа-самородка Василя Студинського (Мишанича) номер збогатив ся новыма историчныма и етнографічныма матеріалами. Вы найдете у журналі интереснішый и высоко квалітный чланок ужгородського вченого-археолога Игоря Прохненка й префайну сохташну статю такой ужгородського вченого-етнографа Павла Леня. Маєме надію, што сотрудницькі удносины з нашыма вченыма, патріотами края, не зопруть ся, а будуть приноситы файні плоды.
У «Отцюзнині» зачинавуть ся такой печатати статі молодых русинознавцюв Мигаля Лыжечка з Ужгорода и Томаша Калинича, котрый наднесь жыє у Шотландії. Дякувучи їм, розшырять ся тематика журнала.
Як видиме, наша «Отцюзнина» ся розвивать, стає богатша тематично. Надієме ся, же так буде й надале, завто честуйте нашу бесіду, учіть исторію, гордіть ся свойим!
Редакція журнала
ЗМІСТ
Исторія нашої землі
Володимир Фенич. Пуд Карпатами: Глобална исторія землі й народув из многыма именами (продовженя)
Павел Пеняк. Ци были наші предкы войовничым етносом?
Игорь Прохненко. Середнянськый замок
Томаш Калинич. Звун Свободы
Актуалноє интервю
Юрій Шипович. «Главноє про мене, обы русин знав, што ун русин, и гордив ся сим» (Бесіда з Володимиром Біланином)
Новинкы жытя карпаторусинув
Юрій Шипович. Выйшла щи єдна книга Олґы Прокоп
Мигаль Лыжечко. Презентація книгы «Моя ліра и кимвал»
Сохташ
Василь Студинський. Глас из Міжгірщины. Свальба
Павел Леньо. Вода у традиційнуй медицині Пудкарпатя
Днешня карпаторусинська проза
Мигаль Лыжечко. 30 годув фестивальови КВН у Кушници
Днешня карпаторусинська поезія
Анна Меґела. Як тяжко ми без тебе
Анна Меґела. Война
Сокачество
Світлана Крайниковець, Мирослава Кірик. Трені пирогы
Вызнамні карпаторусины
Володимир Фенич. Юлію Гаджезі — 145
In memoriam
Михаил Зан. Иван Михаилович Туряниця (16.01.1943–09.04.2023) — вызнамный біохімік, педаґоґ, общественный діятель, карпаторусинськый патріот
Читати мож за удкликованьом:
Редакція «Отцюзнины»