Слідувучоє число «Отцюзнины» уже скоро увидить світ!

Радо анонсуєме вам «Отцюзнину» №3 (15) 2024.

Дякувучи нашуй команді-редколегії и русинам-патріотам из Америкы, котрі пудпорувуть журнал фінансово, наш часопис не лем жыє, а и розвивать ся.

У сесь номер зайшли інтересні матеріалы з історії, етнографії, екології, сокачества. Такоє не стрінеш ани в єдному журналі не лем на Пудкарпатю, а й по вшыткуй Украйині.

Читати по-русинськы за свою історію, свуй сохташ має быти честьов про каждого патріота края. На днешньый час се є фест важным. Бо лем максималный позур у бук свого, майвелика любов до свого дасть руснакам ищи єден шанс на ренесанс.

Дякуєме вам, честовані читачі, ож нас пуддержуєте.

Предлагаєме вам почитати статю Мигаля Чикивді из нової рубрикы «Зелена Отцюзнина», котру сьме увели у новому числі журнала:

Топиме ся у пластмасі вадь хыбы удходув Пудкарпатя

Хыба удходув уже давно выйшла за гатары личных дискусій. Сеся проблема несе глобалну угрозу про екологію планеты. Богужаль, не є выйимков ситуація на Пудкарпатю, де пластмаса и другоє смітя кладут пуд сумнівы як будучность нашого унікалного околища, так и здоровля місных обывателюв. Тяжкости утилізації, удсутность переробної інфрастуктуры и низька екологічна

ОтцюзнинаРедакція «Отцюзнины»