Презентація «Отцюзнины» №3 (15) 2024
11. децембра в Ужгородськуй публічнуй бібліотеці пройшла презентація майнового числа «Отцюзнины» №3 (15) 2024. Дякуєме честованому персоналови Публічної бібліотекы за теплый прийом и можность сяк обговорити літературу нашого краю.
Уцілови «тестовоє» заганяня «Новов поштов» пройшло успішно, хоть и не без свойих нюансув.
Напомниме тай попросиме, ож кедь выписовали сьте журнал, айбо щи сьте не дустали своє число — заберіт го на поштовому удділеньови. Пошта дає задарьноє сокоченя лиш на ограниченый період часу, пусля чого ся уже зачинать нарахововати платноє.
Меже другым, на стрічи ся вповіла пара слув и за будучноє число №16, над котрым робота уже иде повным ходом. Планує ся, ож оно выйде на зачаткови фебруара слідувучого року.
Свої коментарі озвучили члены редакційної колеґії журнала тай навщивителі презентації.
«Приємно
з вами робити!»
«Класно, ож скорота выданя не спомалює ся. Пораз даєш матеріал — а через рук дас дустаєш зберьку и думаш: „Кулко всього ся поміняло, мож по-новому писати!“»
– Ігорь Прохненко,
дописовач журнала,
член редакційної колеґії
«Вже потихы-потихы ся выробляє стандарт»
– Володимир Фенич,
дописовач журнала,
член редакційної колеґії
