Презентація «Алманаха днешньої русинської літературы 2024»
2. новембра в Ужгородськуй публічнуй бібліотеці ся удбыла презентація «Алманаха днешньої русинської літературы» за 2024. рук.
«Алманах» 2024 присяченый памняти русинського поета Михаила Чухрана тай выйшов тиражом у 500 дарабув. Удну суть творы 24 авторув — меже нима суть и творы самого Чухрана, и четверо авторув, котрі ся печатавуть у «Алманахови» першый раз.
На самуй події давало ся слово авторам тай читателям зберькы; авторы радо декламовали як свої творы, котрі зайшли до «Алманаха», так и щи неопубліковані. Выступили на стрічи ай кандидаты на будучі числа «Алманаха днешньої русинської літературы».
У Королеві — «малуй отцюзнині» Михаила Чухрана — щи єдну презентацію из участьов єдносільчан тай файты поета проведе Юрій Продан. Там такой буде ся установльовати меморіална табла.
