Основы іслама на русинськум языку

На зачатку мая 2025. рока у кийовському выдавництві «Українські мусульмани» тиражом 100 дарабув выйшла книжка на 36 бокув «Спознаваня з Ісламом: основны положеня мусулманського віроученя».

В сюй неве́ликуй за обємом роботі подані базові знаня й основны принципы ісламського віроуче́ня. Читатель ся спознає з законами мусулман, які выражені в понятю «ібада» (служіня, поклоніня), ко́троє пронизує ушытко світоприйнятя віруючого мусулманина. Розуміня сього фундаторського понятя дає нам утямити, што служіня Богови выражать ся не лем у молитві й постови, айбо й у каждоденных дійствах, сімейных обоязках, професійнуй діятелности.

У книжці пудмічено, што цілями іслама суть жаданя спознати челядь из їх Творцьом, призвати до поклоніня Аллаху, слідувучи його наказам.

Унікалность сьої книгы є не лем в товмацтві основных принципув ісламського віроученя, а и в тому, што такоє розясненя першый раз потовмачено й выдано русинськым языком.