Наша Отцюзнина
Честовані читачі!
У сесі уже студені осінні дны хочеме ид вам донести вість — наш журнал пруйде невеликый перезапуск! Тото значит, ож мы зачнеме хосновати нову назывку, „Наша Отцюзнина“, реформуєме роботу над выданьом, перейдеме на платну доставку будучных чисел журнала „Новов поштов“. Айбо майглавноє, ож зачинавучи нынішньов датов мы читаво обновляєме базу нашых пудписникув.
Того кедь вы маєте дяку дуставати журнал „Наша Отцюзнина“, просиме вас заповнити анкету на нашому сайтови вадь написати нам на наші соціалні сіткы:
Просиме замітити: по Украйині ціна доставкы журнала на удділеня вадь поштомат „Нової пошты“ попередньо ся планує 65 гривнюв, а адресної доставкы — 100 гривнюв. Сам журнал и дале ся лишат задарьным, бо фінансує ся Карпаторусинськым научным центром (Ню Йорк) тай Фондом Джона и Гелен Тімо (Піттсбурґ).
Надієме ся на вашоє порозуміня. Будеме раді дале вас знакомити з інтересныма матеріалами!
Из честованьом,
Редакція журнала
„Наша Отцюзнина“
