Як слухати «Голосы Русинів Підкарпатя»

Ци любить ся вам рубрика «Актуалноє интервю»? Ци хотіли бы сьте щи булше интервю из русинами з Пудкарпатя?

Товды маєме діля вас файну вість!

Вебсайт lem.fm «Радия Руской Бурсы» дає можность слухати передачу «Голосы Русинів Підкарпатя», де честованый головный редактор журнала «Отцюзнина» Юрій Шипович бесідує на интересні тай актуалні темы из пудкарпатськыма русинами кажду середу у 18:10 місного часу (19:10 за кийовськым часом). Повторы ся крутять у четверь у 4:30 (5:30 к.ч.) и суботу у 11:00 (12:00 к.ч.).

Як послухати?

Обы слухати «Радийо Руской Бурсы», треба перейти на сайт lem.fm тай клынцнути динамік из звуковыма габами горі сторункы, обы ся указав плеєр. Дале у плеєрови мож уключити радіо и реґуловати голос.

Годні сьте перейти за ґомбов долув, обы трафити такой на плеєр радіа.