„Наша Отцюзнина“ пушла ид читачам — щи ї можете дустати
Наші читачі, котрі сперед сим были лишили заявкы на дуставаня „Нашої Отцюзнины“, уже дустали актуалноє число журнала. У сесе число межи другым зайшли продовженя серіалув за історію нашого краю, статі на еколоґічну тематику и нового про журнал формата матеріал за сучасный музичный рокаш из Ужгорода.
Дуставати „Нашу Отцюзнину“ годні ай вы — кедь єсьте ся щи не приголосили, не пережывайте; маєте можность тото учинити за удкликованьом:
Анкета на дуставаня „Нашої Отцюзнины“
https://otcuznyna.com/nasha-otcuznyna
Честовані читачі!
У сесі уже студені осінні дны хочеме ид вам донести вість — наш журнал пруйде невеликый перезапуск! Тото значит, ож мы зачнеме хосновати нову назывку, „Наша Отцюзнина“, реформуєме роботу над выданьом, перейдеме на платну доставку будучных чисел журнала „Новов поштов“. Айбо майглавноє, ож зачинавучи нынішньов датов мы читаво обновляєме базу нашых пудписникув.
Того кідь вы маєте дяку дуставати журнал „Наша Отцюзнина“, просиме вас заповнити сю анкету вадь написати нам на наші соціалні сіткы.
Просиме замітити: по Украйині ціна доставкы журнала на удділеня вадь поштомат „Нової пошты“ попередньо ся планує 65 гривнюв, а адресної доставкы — 100 гривнюв. Сам журнал продовжит быти задарьным, бо фінансує ся Карпаторусинськым научным центром (Ню Йорк) тай Фондом Джона и Гелен Тімо (Піттсбурґ).
Надієме ся на вашоє порозуміня. Будеме раді дале вас знакомити з інтересныма матеріалами!
Из честованьом,
Редакція журнала „Наша Отцюзнина“
*мусайні звіданкы позначені звіздочками.
Нагадаєме: сама пудписка на журнал и дале ся лишат задарьнов; платит ся лиш за доставку „Новов поштов“: 65 гривнюв, кедь на удділеня/поштомат авадь 100 гривнюв за адресну доставку.
