Михаил Куцкір — «Голосы Русинів Підкарпатя»

Интервю из карпаторусиньскым патріотом и актівістом, учасником войны в Афґаністанови, головов Общества ветеранув воєн, головов Федерації єдиноборств «Хортинг», членом Русинського културолоґічного клуба Михаилом Куцкіром. Нажыво сесь епізод ся крутив 7. авґуста 2024.

Никайте долув:

Мішко у свої 57 років перейшов вже інтересну, повну авантур і небезпекы жывотну путь, котрой было бы доста на жывоты дакілко людей.

Народив ся у Сваляві, а жыв у Голубинім, де му дідо, твердый прихыльник партії Штефана Фенцика часiв Чехословакії i «другых мадяр» співав русиньску гімну до смерти, сідаючі фрыштиковати ці обідовати.

Вчів ся в Рязани (Росія), войскову службу мав у Афґаністані, а по армії возглавив ветераньску орґанізацію, котров керує вже двадцять років. За Афґаньску войну Мішко не розказує майже нич, хоць мав за ню іщі з далекого 1986-го року медайлу «За бойовы заслугы», а у 2014-ім році нашов го іщі орден «За заслугы» 3-го ступеня.

Окрім того орден «За розбудову Україны», орден «Нихто окрім нас», мадайла Богдана Хмельницького – і то не вшытко.

Як бывшый шпортовець Куцкір тренерує молодых Ужгородців. При тім паралелно прививавучі їм не лем техніку і навыкы ся бити, а і любов до вшыткого свого: історії, сохташа, языка.

— lem.fm